ازاي تشغل اليوتيوب وانت قافل موبايلك بدون برامج 2022
لو انت زي حالاتي بتحب تستخدم يوتيوب اكتر من اي
ابليكيشن تاني عشان تسمع عليه اي حاجة انت بتحبها وانت بتشتغل او بتمارس رياضة او
بتعمل اي حاجة
بس نفسك تشغله وتقفل الـ(لوك) بتاع الموبايل و
تحطه ف جيبك منغير ما اليوتيوب يقفل
يبقى لازم تشوف الفيديو ده للنهاية
••••••••••••••••••••••••••••••••••••••••••
السلام
عليكم
أهلا
بيكم في اول فيديو هنا ع القناة معاكم طاهر منتصر والنهاردة هنتعلم مع بعض ازاي
نقدر نستخدم اليوتيوب ويبقي زيه زي اي Music Player
عندنا ع الموبايل بيشتغل عادي ونقدر نقفل الموبايل ونحطه ف جيبنا او ممكن نطلع من
الابليكيشن وتفضل الحاجة اللي احنا مشغلينها شغاله زي ماهي ماتفصلش
اول
حاجة هنعملها هنحمل برنامج عظيم جدا جدا اسمه VLC player
رابط تحميل البرنامج للأندرويد :
https://play.google.com/store/apps/details?id=org.videolan.vlc&hl=ar&gl=US
طبعا
هتقولي وايه علاقة الـ VLCباليوتيوب يا عم طاهر
هقولك
اتقل عليا مانا جايلك ف الكلام اهه يا برنننس
بص يا
سيدي بعد ماتحمل الـVLC هتمشي
معايا علي الخطوات دي
هندخل
علي الـSettings بتاعت التطبيق وتنزل عند السيكشن بتاع Video هتلاقي اول اختيار اسمه Background/PiP mode
دوس
عليه هيفتحلك 3 اختيارات هتختار منهم تاني واحد اللي هو Play
video in background
احنا
كدة ظبطنا اعدادات البرنامج ان اي فيديو شغال عن طريق الVLC هنقدر
نسيبه شغال ف الخلفيه حتى لو خرجنا منه وفتحنا اي تطبيق تاني
**نيجي بقي لليوتيوب** كل اللي علينا هنفتح اي
فيديو علي اليوتيوب زي كدة مثلا ، هتلاقي تحت الفيديو في زرار بتاع الشير ، هندوس
عليه هيفتحلك قائمه فيها معظم التطبيقات اللي بتقبل الشير عندك ع الفون
هنختار
منها Play with VLC
هنلاقي الفيديو تلاقي اشتغل علي VLC والمفاجأة كمان ان الفيديو بيشتغل منغير اعلانات تماما
مهما كانت مدة الفيديو وتقدر تخليه يعمل repeat لو مثلا
انت مشغل قرآن بتسمعه او اغنيه او اي حاجة وعايزها تفضل تتعاد وطبعا بما اننا
ظبطنا البرنامج انه يشتغل عادي ف الخلفية فـبالتالي هتقدر تخرج منه وتعيش حياتك
عادي جدا والفيديو هيفضل شغال كأنه تراك صوت عادي جدا
••••••••••••••••••••••••••••••••••••••••••
دي
كانت كل حاجة في فيديو النهاردة لو الفكرة عجبتك ماتنساش تدعمني بلايك وشير وسبسكرايب
للقناه واكتبلي في الكومنتات رأيك في الفكرة
كان
معاكم طاهر منتصر ،،، سلام
♥
إرسال تعليق